Gemeinsamen Engagement vun Direktioun fir Konsumenteschutz an Horesca

D‘Martine Hansen, Ministesch fir Konsumenteschutz, huet sech mat de Responsabele vun der Horesca getraff. Dës Entrevue huet et erméiglecht, Themen am Zesummenhang mam Konsumenteschutz an der Qualitéit vun de Servicer am Hotel- a Restauratiounssecteur unzegoen.

Fir héich Standarden ze garantéieren, gouf d'Bedeitung vun enger enker Zesummenaarbecht tëscht den Autoritéiten an de Professionelle betount. Transparenz, Respektéiere vun de Reglementatiounen an e géigesäitegt Engagement stinn am Mëttelpunkt vun dësem Usaz, deen d'Vertraue vun de Konsumente stäerke soll.

Als Beispill kann een d'Ausaarbechtung vu Fichë fir de Guide fir de Professionellen nennen, déi praktesch Rotschléi ubidden, fir de Code de la Consommation ze respektéieren, d'Entwécklung vun der Charte Chèques-Cadeaux, souwéi d'Organisatioun vu gemeinsame Webinaire fir Professioneller.

Zefridde mat der vergaangener Zesummenaarbecht gouf decidéiert, dëst Engagement weiderzeféieren, fir e sécheren a performante Kader weiderhin ze garantéieren.