D'Direktioun fir Konsumenteschutz ass beim Ministère fir Landwirtschaft, Ernärung a Wäibau ugesiedelt a setzt sech dofir an fir d’Rechter vun de Konsumenten zu Lëtzebuerg ze garantéieren an fir dass all Bierger vun engem sécheren, fairen an nohaltege Konsum ka profitéieren.
D’Direktioun wëllt een Ëmfeld schafen, an deem de Konsument informéiert, opgekläert a beschützt gëtt. Si schafft aktiv un der Verbesserung vun der Konsumentepolitik am Bannemaart an op nationalem Niveau a stellt sécher, dass d’Rechter vun de Konsumente bei alle Geschäftstransaktioune respektéiert ginn.
D’Direktioun fir Konsumenteschutz setzt sech och fir d’Passagéierrechter an a suergt dofir, dass de Passagéier adequat geschützt ass.
Donieft schafft d‘Direktioun mam Conseil de la Concurrence, dem CEC Luxembourg an der ULC zesummen, fir den Informatiounsaustausch ze stäerke fir dass d’Interessi vun de Konsumente besser kënne geschützt ginn.
Ee verantwortungsvolle Konsum ass och ee wichteg Sujet. Sou gi verantwortungsbewosst Konsumpraktiken, bei deenen opgekläerten Entscheedungen am Vierdergrond stinn, aktiv ënnerstëtzt.
Fir d‘Transparenz vun de Präisser ze garantéieren, spillt d'Direktioun fir Konsumenteschutz och eng wichteg Roll. Bei der Kontroll vum Affichage vun de Präisser gëtt dofir mat sëllegen Acteuren aus der Wirtschaft zesummegeschafft fir iwwert dëse Wee d’Vertraue vum Konsument an de Maart ze garantéieren.
Kuckt roueg iwwert eis Websäit an informéiert Iech iwwert eis Servicer, Ressourcen an Informatiounen, déi mir Iech zur Verfügung stellen. Egal ob Dir als Konsument no praktesche Rotschléi sicht, als Betrib Informatioune braucht fir eenzel Virschrëften ze respektéieren oder als Expert Äert Wëssen wëllt verdéiwen – mir sinn do fir Iech ze hëllefen.
Bleift nach ze bemierken, dass déi fräi Aarbechtsplaze vun der Direktioun um Portail govjobs.lu ausgeschriwwe ginn.