Passagéier-Rechter

Wann äre Fluch annuléiert gouf, dann hutt dir Usproch op:

• Réckerstattung vun ärem ursprüngleche Fluchpräis, oder
• ee vergläichbaren Ersatzfluch vun ärer Wiel.

Wann d'Fluch-Gesellschaft Iech a manner ewéi zwou Woche virum geplangte Fluch iwwert d'Annulioun informéiert huet, kënnt Dir eng Entschiedegung verlaangen. D'Fluch-Gesellschaft kann d'Ausbezuelen vun dëser Entschiedegung awer verweigeren, wann se noweise kann, dass Sie d'Annulatioun net verscholt huet an d’Annulatioun op aussergewéinlech Ëmstänn zréck ze feieren ass. (Detailer zu den aussergewéinlechen Ëmstänn fannt dir ënnert der Rubrik FAQ).

Dës méiglech Entschiedegungen sinn :

• 250 Euro fir Flich bis zu 1.500 km ;
• 400 Euro fir Flich zwëschent 1.500 a 3.500 km;
• 600 Euro fir Flich iwwer 3.500 km.

Doriwwer eraus hutt Dir och Usproch op eng Betreiung, déi Gedrénks, eng Molzecht, eng Iwwernuechtung, den Transfert zu enger Ënnerkonft a zwee käschtefräi Uriff ëmfaasst. Wann d'Fluch-Gesellschaft Iech näischt ugebueden huet, kennt Dir de Remboursement vun den entstanenen Käschten zeréck verlaangen. Behaalt dofir w.e.g. Är Rechnungen zu dëse Käschten.

Reklamatioun op der Plaz um Depart vum Fluchhafen

D'Airline muss Iech e Retourfluch/Re-routing oder e Remboursement vum Fluchpräis ubidden. D'Airline muss Iech eng Ënnerkonft ubidden, falls dës noutwänneg ass, an ass och zoustänneg Iech dohin ze transferéiere wärend Dir op den ugebuede Alternatifvfluch waart. Zousätzlech hutt Dir och d'Recht op Betreiung, Erfrëschungen, Iessen an zwee gratis Telefonsgespréicher. Wann d'Fluch-Gesellschaft Iech näischt ugebueden huet, kennt Dir de Remboursement vun den entstanenen Käschten zeréck verlaangen. Halt dofir w.e.g. Är Rechnungen vun dëse Käschten.

Schrëftlech Plainte

Wann d'Airline Iech net ëmgebucht huet oder Ären Ticket net rembourséiert huet, ass et am beschten d'Airline oder Äre Rees-Agent schrëftlech ze kontaktéieren an de Remboursement vun Ärem Ticket an eng eventuell Kompensatioun/Entschiedegung ze froen. Déi meescht Fluch-Gesellschaften hunn e Formular fir esou Reklamatiounen. Fir d'Kommunikatioun per E-Mail ze erliichteren, haalt w.e.g. den Objet an d'Referenz vum Message déi d'Airline bei hierer Äntwert uginn huet.

Net averstanen mat der Äntwert oder keng Äntwert kritt

Falls Dir net mat der Äntwert vun der Fluch-Gesellschaft averstane sidd oder keng Äntwert bannent 2 Méint kritt hutt, dann kënnt Dir eng Plainte beim Ministère iwwer MyGuichet areeschen.

W.e.g iwwerpréift Verantwortlechkeet vun der jeeweileger Autoritéit éier Dir de Formulaire vun der Plainte ausfëllt. D'Zoustännegkeet fir Är Plainte ze handhaben hänkt vum Flughafen (Depart/Arrivée) an dem definéierten europäesche Land of. Dës Informatiounen fannt Dir ënnert der Rubrik "Verantwortlech Autoritéit".

Link op de Formulaire

Wann äre Fluch (vun 1500 km oder manner) beim Depart méi ewéi zu 2 Stonne Verspéidung huet, hutt Dir Usproch op

Gedrénks, eng Molzecht an zwee käschtefrei Uriff. Falls d'Fluch-Gesellschaft Iech näischt ugebueden huet, kennt Dir de Remboursement vun den entstanenen Käschten zeréck verlaangen. Behaalt w.e.g. Är Rechnungen zu dëse Käschten.

Wann äre Fluch (vun 1500 km bis zu 3500 km) beim Depart mei ewéi 3 Stonne Verspéidung huet, hutt Dir Usproch op

Gedrénks, eng Molzecht an zwee käschtefrei Uriff. Wann d'Fluch-Gesellschaft Iech näischt ugebueden huet, kennt Dir de Remboursement vun den entstanenen Käschten zeréck verlaangen. Behaalt w.e.g. Är Rechnungen zu dëse Käschten.

Wann äre Fluch (iwwer 3500 km) beim Depart mei ewéi 4 Stonne Verspéidung huet, hutt Dir Usproch op

Gedrénks, eng Molzecht an zwee käschtefrei Uriff. Wann d'Fluch-Gesellschaft Iech näischt ugebueden huet, kennt Dir de Remboursement vun den entstanenen Käschten zeréck verlaangen. Behaalt w.e.g. Är Rechnungen zu dëse Käschten.

Wann äre Fluch beim Depart mei ewéi 5 Stonne Verspéidung huet

An deem Fall hutt dir d’Wiël teschent:

• der Réckerstattung vun Ärem ursprüngleche Fluchpräis, oder
• engem Réckfluch

Jee no Ausmooss vun der Verspéidung hutt Dir och Usproch op eng Ënnerkonft an Transfert dohinner.

Wann Äre Fluch sech bei der Arrivée ëm méi ewéi 3 Stonne verspéit huet

Dir hutt och Usproch op eng méiglech Entschiedegung, wann de Fluch bei der Arrivée méi wéi 3 Stonnen Verspéidung huet. D'Fluch-Gesellschaft kann d'Ausbezuelen vun dëser Entschiedegung awer verweigeren, wann se noweise kann, dass Sie d'Annuléierung net verscholt huet. (Detailer zu den aussergewéinlechen Ëmstänn fannt Dir ënnert der Rubrik FAQ).

Déi méiglech Entschiedegunge sinn

• 250 Euro fir Flich bis zu 1.500 km ;
• 400 Euro fir Flich zwëschent 1.500 a 3.500 km;
• 600 Euro fir Flich iwwer 3.500 km.

Schrëftlech Plainte

Als éischt musst Dir eng schrëftlech Plainte un d'Airline ofginn fir déi méiglech Kompensatioun/Entschiedegung ze froen. Et ass üblech datt d'Airline zwee Méint huet fir eng Äntwert ze ginn.

Wann Dir net mat der Äntwert averstanen sidd oder keng Äntwert kritt hutt 

Wann Dir net mat der Äntwert vun der Fluch-Gesellschaft averstane sidd oder keng Äntwert bannent 2 Méint kritt hutt, dann kënnt Dir eng Plainte beim Ministère iwwer MyGuichet areeschen.

W.e.g iwwerpréift Verantwortlechkeet vun der jeeweileger Autoritéit iert dir de Formulaire vun der Plainte ausfëllt. D'Verantwortung fir Är Plainte ze handhaben hänkt vum Flughafen (Depart/Arrivée) an dem definéierten europäesche Land of. Des Informatiounen fannt dir ënnert der Rubrik Verantwortlech Autoritéit.

Link op de Formulaire

• aus Sécherheet oder Gesondheetsgrënn (z. Bsp. wann Dir d'Airline net am Viraus informéiert hutt datt Dir schwéier Allergien oder eng ustiechend Krankheet hutt)
• wann Dir net am Besëtz vun den erfuerderleche Reesdokumenter sidd (Visa, Passvaliditéit, Ufuerderunge fir Entrée am jeeweilege Land,...)
• wann Dir den Hin-Fluch vun enger Buchung net geholl hutt, déi ee Retour-Fluch enthält
• wann Dir e Fluch net ugetruede sidd, den an enger konsekutiver Fluchbuchung abegraff war
• wann Dir déi relevant Dokumenter fir Äert matreesend Hausdéier net dobäi hutt
• wann Dir Iech net mat Zäiten um Check-in Schalter oder Boarding gemellt hutt

D’Reglement gesäit nëmmen e Remboursement vum Fligerticket vir wann den Denied Boarding vun der Fluch Gesellschaft verursaacht gouf.

• Réckerstattung vun ärem ursprüngleche Fluch Präis, oder
• engem Réckfluch, oder engem vergläichbaren Ersatz Fluch vun ärer Wiel

Doriwwer eraus hutt Dir och Usproch op eng Betreiung, déi Gedrénks, eng Molzecht, eng Iwwernuechtung, den Transfert zu enger Ënnerkonft a zwee käschtefrei Uriff ëmfaasst. Falls d'Fluch-Gesellschaft Iech näischt ugebueden huet, kënnt Dir de Remboursement vun den entstanene Käschten zeréck verlaangen. Behaalt dofir w.e.g. är Rechnungen zu dëse Käschten.

1. Mellt den Tëschefall beim Gepäckschalter um Fluchhafen a verlaangt eng Bescheinegung, datt d’Gepäckstéck net ausgeliwwert gouf. 
2. Falls kee Kit mat Artikelen fir de Grondbedarf zur Verfügung gestallt gëtt, hutt Dir d’Recht, déi néideg Wueren ze kafen (Kierperfleegprodukter, Kleeder). Haalt an deem Fall w.e.g. d'Rechnungen.
3. D'Demande op eng Entschiedegung muss bannent 21 Deeg nom Empfang vum Gepäck (bei Verspéidung) oder nom Verloscht schrëftlech bei der Fluchgesellschaft agereecht ginn.

Reecht direkt eng Reklamatioun bei der Fluch-Ggesellschaft um Fluchhafen an. Bestätegt d’Reklamatioun duerch eng schrëftlech Reklamatioun bannent siwen Deeg.

Maacht eng schrëftlech Reklamatioun bei der Fluch-Gesellschaft bannent 7 Deeg nom Empfang vun Ärem Gepäck.

D'Airline muss keng Entschiedegung bezuelen, wa si beweise kann, dass d'Annulatioun duerch aussergewéinlech Ëmstänn geschold ass, déi net hätte kënne verhënnert ginn, och wann all raisonnabel Moossname getraff goufen. 

Beispiller vun Evenementer déi als aussergewéinlech Ëmstänn definéiert sinn (keng vollstänneg Lëscht)

• Air Traffic Management Decisiounen
• politesch Onstabilitéit
• schlecht Wiederkonditiounen
• Sécherheetsrisiken an Noutfäll u Bord
• externe Streik (Flughafen, Nationalstreiken, etc)
• Kollisiounen

Situatiounen déi net als aussergewéinlech Ëmstänn ugesi sinn (Keng vollstänneg L!escht)

• meescht technesch Problemer betreffend dem Ënnerhalt vun Fligeren oder wéinst Mangel un Ënnerhalt;
• d'Kollisioun vun enger Rolltrap mat engem Fliger;
• e Streik vum Fluchpersonal (interne Streik).

Ënnert bestëmmte Konditioune kënnt Dir mat Ären Hausdéieren u Bord reesen. D'Reegele fir Hausdéieren u Bord vum Fliger kënne vu Fluch-Gesellschaft zu Fluch-Gesellschaft änneren a se sinn och ofhängeg vun der Destinatioun. Dir braucht original Kopien vun all Dokumenter (Mikrochip, Pass, Impfungen, etc.). Informéiert Iech am Viraus bei der Airline an iwwert d'Reglementer vum Destinatiounsland. Den Enregistrement fir een Déier kann nëmmen op der Plaz um Flughafe gemaach ginn. Fir d’Transportbox gëllen och verschidde Konditioune. Ee Formulaire muss och am Virfeld ausgefëllt ginn.

Areeche vun enger Plainte bei der Fluch Gesellschaft

D'Airline huet 2 Méint fir op Är Plainte ze reagéieren.

Wann Dir net mat der Äntwert vun der Fluch-Gesellschaft averstane sidd oder keng Äntwert bannent 2 Méint erhalen hutt, dann kënnt Dir eng Plainte beim Ministère iwwer MyGuichet areeschen.

Link op de Formulaire

Areeche vun enger Plainte un de Ministère iwwert MyGuichet

Nom Empfang vun Ärer Plainte freet d'Direktioun fir Konsumenteschutz d'Airline ëm eng Positioun. D'Airline huet 7 Wochen Zäit op d’Ufro ze reagéieren.

Vill Länner verlaagenen, dass ee Pass fir op d'mannst sechs Méint gülteg ass, ab dem Moment vum geplangten Depart. Aner Länner verlaange just, dass ee Pass gülteg ass bis zum Enn vun der geplangter Rees, sou dass de Retour komplett gedeckt ass.

D'Verantwortung fir d'Validitéit vum Pass läit beim Passagéier. Dir kënnt mat der Airline oder der Ambassade vum Destinatiounsland d'Ufuerderunge iwwerpréiwen an eng Réckversécherung vun der Airline ufroen.

Et sinn keng Landungen oder Depart’en um Flughafen vun Lëtzebuerg no 23.00 Auer virgesinn. Dir musst deemno Är Airline fir weider Informatioun kontaktéieren.

All Fluch, deem säin Depart ëm méi wéi eng Stonn virverluecht gëtt, gëtt als annuléiert ugesinn. Dir hutt deemno déi selwecht Rechter wéi wann Äre Fluch annuléiert gi wier.

Déi spezifizéiert Distanze gi mat der orthodromescher Streckenmethod gemooss (kiërzt Linn tëscht dem Start- an Destinatiounspunkt).

Dës Situatioun gëtt op d'sewlecht ugesinn, wéi e Fluch wou Destinatioun geännert gouf, d.h. de Fluch fëllt als annuléiert, ausser d'Airline arrangéiert den Transfert vum Passagéier vum ursprénglech geplangte Flughafen op den neien Depart.

Wann Dir den éischte Fluch vun Ärer Reservatioun net huelt (zum Beispill wann Dir decidéiert méi fréi mam Auto ze fueren) oder wann Dir Äre Verbindungs-Fluch net huelt (z. Bsp. well Dir een anert Transportmëttel virzitt), betruecht d’Fluch-Gesellschaft dës Situatioun als “no show”. Dëst féiert zur automatescher Annulatioun vun Ärer ganzer Rees, fir all Fluch, deen ënnert der selwechter Reservatiounsreferenz gebucht gouf.

Dës “no show” Klausel gëtt vun de meeschte Fluchgesellschaften applizéiert a steet am direkten Zesummenhang mat hiren kommerzieller Politik, besonnesch wat d’Verkaf vu kombinéierten Hin- an Retourbilljeeën an d’Flich mat engem Tësch-Stopp betrëfft.

Fir all negativ Iwwerraschung ze verhënneren, gëtt recommandéiert, d’Allgemeng Bedéngungen ze liesen, éier een ee Billjee keeft.

Den Informatiounsbüro ass direkt vis-à-vis vun de Check-in Schalteren.

Wann Dir vun engem Land ausserhalb vun der EU an en EU-Land flitt (oder ëmgedréint) an de Fluch annuléiert gëtt, hutt Dir Recht op eng Entschiedegung no der Veruerdnung CE 261/2004, wann Äre Fluch vun enger Fluchgesellschaft duerchgefouert gëtt, déi an engem EU-Land registréiert ass.

Wann Äre Fluch vun enger Fluchgesellschaft duerchgefouert gëtt, déi ausserhalb vun der EU hire Sëtz huet, kënnt Dir d’Rechter notzen, déi duerch d’Gesetzgebung vum Land virgesi sinn, an deem d’Fluchgesellschaft registréiert ass.

Laut EU-Reegelen, muss e Fluch deen op en anere Flughafen ëmgeleet gëtt, deen net déi selwecht Stad oder Regioun zerwéiert wéi de Flughafen, fir deen d'Buchung gemaach gouf, als annuléiert ugesinn. An dësem Fall hutt Dir déi selwecht Rechter wéi wann de Fluch annuléiert gi wier. Zousätzlech kënnt Dir de Remboursement vun de Käschten ufroen, déi Dir gemaach hutt fir op Är ursprénglech geplangten Destinatioun ze reesen.

Fluch-Gesellschafte ginn Prioritéit fir Leit mat reduzéierter Mobilitéit an all Begleetpersoun oder zertifizéierte Begleedshond, souwéi onbegleete Kanner.

Aus organisatoreschen Grënn vir d'Flughafe- Personal, recommandéieren mir Iech Äre Bedarf un Hëllef e puer Deeg virum Depart unzekënnegen. Déi néideg Informatioune kënnen an der Reegel op der Websäit vun der Airline oder vum Flughafe fonnt ginn.

Nota: Am Fall vun Annulatiounen, "denied boarding" oder Verspéidungen hu Leit mat reduzéierter Mobilitéit an all Begleetpersoun souwéi onbegleet Kanner d'Recht op eng prise en charge.

• Et gëtt ugeroden e Fluch direkt op der Websäit vun enger Fluch-Gesellschaft oder duerch eng vertrauenswürdeg Agence ze buchen. Dëst ass verhënnert d'Intermediairen am Fall vun engem eventuelle Remboursement.
• Nom Bezuelen vun engem Fluchticket kritt een eng Bestätegung. Wann Dir Zweifel hutt, kontrolléiert w.e.g. den Debit vun Ärem Bankkonto. Mir kënnen Är Rechter nëmme geltend maachen, wann Dir eng Bestätegung kritt hutt an de Betrag vun Ärem Kont debitéiert gouf. 
• Wann Dir zwee separat Flich bucht fir eng eenzeg Rees ze maachen, plangt genuch Zäit teschend denen 2 Flich an. Dëst hëlleft Iech ze vermeiden datt Dir Är Fluchverbindung verpasst wann et zou engem Retard oder enger Annulatioun géing kommen.
• Notéiert w.e.g. datt d'Airline net fir déi ganz Rees verantwortlech gemaach ka ginn, wann Dir zwee separat Flich mat zwou verschiddene Buchungsnummere fir eng Rees gebucht hutt. An dësem Fall bezitt sech d'Fuerderung nëmmen op den betraffenen Fluch an nëmmen op en Deel vun der Rees.
• Mir recommandéieren Iech virun all Rees d'Versécherungs-Konditiounen bei Ärer Agence z'iwwerpréiwen. E puer Bankproduiten enthalen och eng Reesversécherung. Dës Virsiichtsmoossnamen si besonnesch recommandéiert fir Flich ausserhalb vun der EU, déi vun Net-europäeschen Fluch-Gesellschafte bedriwwe ginn.

D'Reglement gëllt fir all Flich, déi vun engem EU-Flughafe fortfléien oder do landen, an déi vun enger europäescher Fluggesellschaft bedriwwe ginn, ausser an deene Fäll, wou de Passagéier schonn eng Entschiedegung kritt huet oder eng nei Buchung ausgemaach huet.

Fir dass d'Reglement applizéiert kann ginn, mussen d'Passagéier eng Confirmatioun vun enger Buchung hunn (Fluch-Ticket z. Bsp.), mat Zäiten agecheckt hunn an all aner applicabel Konditioune respektéieren, déi vun der Fluch-Gesellschaft am Viirfeld festgeluecht sinn.

Wann Dir Äre Fluch verpasst, adresséiert Iech un d’Airline fir e méiglechen alternativen Fluch. Bedenkt awer, dass d'Fluch-Gesellschaften ee Supplément fir Fluchännerunge verrechnen.

Wann eng Fluch-Gesellschaft Iech an eng méi héich Klass placéiert wéi Är Reservatioun da kann Iech kee Supplement gefrot ginn.

Wann Dir awer op eng méi niddereg Klass erofgesat gidd, hutt Dir Recht op folgend Remboursementer bannent 7 Deeg:

• 30% vum Ticket Präis fir all Flich iwwer 1500 km oder manner
• 50% fir Flich bannent der Europäescher Unioun iwwer 1500 km a fir all aner Flich tëscht 1500 an 3500 km
• 75% fir Flich déi net an déi uewe genannte Kategorië falen

Fluchverspéidungen ginn berechent, ab der Auerzäit vum Depart vum Flughafe bis zur finaler Destinatioun zum Zäitpunkt wou d'Fligerdieren opginn .

Wann de Verbindungs-Fluch en Deel vun enger eenzeger Buchung ass an Dir mat enger Verspéidung vun 3 Stonnen oder méi op Är Finaldestinatioun ukommt, ouni datt dës Verspéidung op Grond vun aussergewéinlechen Ëmstänn entstanen ass, hutt Dir d'Recht op eng finanziell Entschiedegung.

D'Zäiten déi agehalen mussen ginn (Check-in / zoumaache vum Gate asw) hänke vun den allgemenge Bedéngunge vun der Fluch-Gesellschaft of. Dëst kann vu Fluch-Gesellschaft zu Fluch-Gesellschaft anescht sinn. D'Konditiounen zu dësen zäitlechen Virgaben sinn normalerweis um Fluchticket uginn. Falls keng Zäit uginn ass, kläert dëst w.e.g. mat der Airline am viraus.